Uncategorized
Bashkia Klos organizoj sot Festivalin Folklorik Kombëtar “Fest Folk Klosi 2019”
Bashkia Klos organizoj sot Festivalin Folklorik Kombëtar “Fest Folk Klosi 2019”, duke u dhuruar kështu banorëve të këtij qyteti një ditë plot këngë e valle.
Përformuan në këtë aktivitet grupe nga të gjitha trevat Shqiptare për të cilat në fund të festivalit u dhanë edhe çmime të ndryshme.
Nuk munguan për realizimin e këtij aktiviteti edhe bashkëpunimet me emra e subjekte të shumta,dashamirës të këngës e valles.
Folku është vlerë dhe vlerat duhen gjithmonë të ruhen, mbrohen e promovohen dhe kjo më së shumti është detyrë e institucioneve.
Njoftim
Bashkia Klos,Njësitë Administrative në bashkëpunim me të gjitha Institucionet e Arsimit,Shëndetësisë dhe komunitetit ditën e nesërme me datë 11 tetor 2019,organizon nje aksion për pastrimin e territorit nga mbetjet. Lutemi që çdo qytetar të bëhet pjesë e këtije aksioni.
Të gjithë së bashku për një qytet më të mirë dhe më të paster për të jetuar.
Bashkia e Klos mirëpriti Prefektin e Qarkut Dibër, Z. Nexhbedin Shehu
Dy nënkryetaret e Bashkisë Klos, Znj. Adelina Laçi dhe Z. Armand Gjini mirëpriten Prefektin e Qarkut Dibër, Z. Nexhbedin Shehu. Qëllimi i këtij takimi kishte të bënte mbi problematikat e ndryshme që jane shqetësuese per komunitetin e kesaj zone si dhe masat e ndërmarra nga ana e kësaj Bashkie per zgjidhjen e tyre.
Bashkia Klos bëhet pjesë e Projektit të Këshillit të Europës për “Binjakëzim” i zhvilluar në Itali
Bashkia Klos bëhet pjesë e një projekti serioz të Këshillit të Evropës për Binjakëzimin e 14 Bashkive te Republikes së Shqipërise i cili u zhvillua ne Itali.
Solidariteti, emergjencat civile, zhvillimi i infrastruktrës, kujdesi për fëmijët, e projekte të tjera ambicjoze, ishin në vëmendje të këtij projekti shumë ambicioz.
Pjesë e këtij takimi ishte dhe kryetari i Bashkisë Klos z. Ilmi Hoxha me stafin e tij.
EDICIONI I DYTË I “FEST-FOLK KLOSI 2019”
EDICIONI I DYTË I “FEST-FOLK KLOSI 2019”
Zyra e Arsimit dhe Kulturës Bashkia Klos dhe Grupi Folklorik “Petralba” Klos, mbështetur nga kryetari i Bashkisë Klos zoti Ilmi Hoxha.
Shpallim zyrtarisht datën 13 tetor 2019, ora-10:00, zhvillimin e edicionit dytë të Festivalit Folklorik Mbarëkombëtarë, “Fest-Folk Klosi 2019.”
Marrin pjesë grupe nga:
Shqipëria,Kosova,Maqedonia,Mali i zi dhe Diaspora.
Festivali do të ketë karakter garues ku juria e caktuar profesionale do të ndaj çmimet fituese.
Stafi organizatorë
Bashkia Klos
Zyra e Arsimit dhe Kulturës Bashkia Klos
Grupi Folklorik “Petralba” Bashkia Klos
Mbështetur nga Kryetari i Bashkisë Klos
Z. Ilmi Hoxha.
Drejtor i festivalit – Ikli Punavija
Udhëheqës artistik – Ferit Hoxha
Skenarist – Hamdi Hysuka
Kryebashkiaku Ilmi Hoxha viziton dy familje në Bashkinë Klos të prekura nga tërmeti i ditës së shtunës
Ndonëse epiqendra e tërmeteve të së shtunës ishte deti Adriatik pasojat janë ndjerë edhe në Bashkinë e Klosit. Banesat e familjeve Topalli e Hoxha, janë plasaritur e çarë nga të gjitha anët. Hike Topalli tregon momentin e rënies së tërmetit. Teksa gjendej në shtrat për shkak se ishte sëmurë, Hikja thotë se është dashur ndihma e familjarëve për ta nxjerrë jashtë pasi vetë e kishte të pamundur të lëvizte.
Për të parë nga afër gjendjen e banesës së kësaj familje ishte vetë kryetari i Bashkisë Klos Ilmi Hoxha. Hoxha ishte i shoqëruar nga stafi i emergjencave civile i cili ka nisur menjëherë punën për verifikimin e të gjitha banesave të raportuara si të dëmtuara nga tërmeti. Kryebashkiaku i Klosit, Ilmi Hoxha i premtoi familjes Topalli që stafi që ai drejton do të bëjë më të mirën për t’a ndihmuar.
Një pjesë të banesës familja Topalli e ka braktisur duke nxjerrë orenditë jashta.
Më pas kryebashkiaku Ilmi Hoxha dhe stafi i tij u ndalën në familjen e Haxhi Hoxhës nga fshati Zall-Pleshë. Edhe banesa e Haxhiut ka pësuar dëmtime të mëdha, ndonëse është ndërtuar në fillim të viteve 2000. Kryefamiljari Haxhi Hoxha kërkon mbështetjen e strukturave lokale e kombëtare. Ndërkohë vetë kryebashkiaku Ilmi Hoxha tha se bashkia e klosit është e angazhuar për të ndihmuar këdo që është prekur nga kjo fatkeqësi natyrore dhe që i ka shkaktuar dëme të rënda. Ndërkohë puna ka nisur për verifikimin edhe të banesave të raportuara në njësitë e tjera vendore të kësaj bashkie si në Xibër, Gurrë dhe Suç.
BASHKIA KLOS-EUROPEANMOBILITYWEEK 2019.
16-22 Shtator 2019-Java Europiane e Lëvizshmërisë në Bashkinë Klos dhe Njësinë e Integrimit Europian. Edhe Klosi u bë pjesë e këtyre aktiviteteve si në mbarë Europën dhe bashkitë e tjera të Shqipërisë në kuadër të fushatave të mbështetura nga Këshilli i Europës dhe Drejtoria e përgjithshme për lëvizshmëri dhe transportin.
Qëllimi i këtij aktiviteti promovon transport të pastër dhe pa makina në qytetet tona . Aktiviteti u zhvillua në Bashkëpunim me nxënësit e Shkollës 9-Vjeçare “Tahir Hoxha “ me moton “Lëvizim me Biçikleta” dhe “Siguria në Rrugë. Pjesë e këtij aktiviteti ishin mësues dhe nxënës të shkollës 9-vjeçare.Aktiviteti vazhdoi me informim mbi sinjalistikën rrugore dhe lëvizjen pa makina.
Fokusi i këtij aktiviteti ishte përmirësimi i shëndetit publik dhe cilësise së jetës përmes lëvizjes me biçikleta dhe informim e diskutim me nxënesit rreth sinjalistikës rrugore.
Qëllimi i Njësisë së Integrimit Europian është për një informim dhe ndërgjegjesim sa më të gjerë te publikut.
EUROPEANMOBILITYWEEK 2019
Fushatë për edukimin dhe ndërgjegjësimin e banorëve për lëvizshmeri Urbane te qëndrueshme.
Kryetari i Bashkisë Klos Uron Vitin e Ri Shkollor 2019-2020!
Të dashur nxënës dhe mësues!
Ju urojmë një Vit të Ri Shkollor të mbarë dhe të suksesshëm!
Rezultatet e larta arrihen falë dëshirës së mirë për dije dhe punës së palodhur e sistematike!
Të dashur ju prindër, që e dëshironi më shumë se kushdo tjetër suksesin e fëmijeve tuaj!
Bashkia Klos është me dyer të hapura për t’ju ofruar zgjidhjen e mundëshme të çdo problemi që hasni në shkollimin e fëmijëve tuaj!
Suksese!
Me respekt Kryetari i Bashkisë Klos Z. Ilmi Hoxha!