Drejt realizimit! Të rinjtë e Klosit shumë shpejt do të kenë qendrën e tyre multifunksionale…
Ditën e djeshme u zhvillua takimi me partnerët e Organizata Kreo për të diskutuar mbi projektin e qendrës multifunksionale, projekt i financuar nga BE, i cili shumë shpejt do të jetë i prekshëm për të rinjtë e Bashkisë Klos.
Pjesë e takimit ishin të rinj e maturantë të cilët shprehen vullnetin, dëshirën dhe dhanë mendimet e tyre për aktivitetet e shumta që do të ofrohen në këtë qendër multifunksionale.
Ura në hyrje të qytetit Klos është drejt përfundimit të punimeve. Pas vendosjes dhe montimit të trarëve, ura do të jetë shumë shpejt funksionale për lëvizjen e këmbësorëve dhe automjetëve. Ura e ndërtuar me standarte bashkëkohore dhe e financuar nga Qeveria Shqiptare pritet të mbarojë shumë para afatit të paracaktuar në nisje të punimeve.
Postimi i kryetarit të Bashkisë Klos, Ilmi Hoxha:
Drejt përfundimit
I lumtur që qytetarët do të kenë gati në kohë rekord urën në hyrje të qytetit Klos, një urë me standarte bashkëkohore e financuar nga Qeveria Shqiptare.
Në këtë vepër që po përfundon para afatit të përcaktuar, sot po punohej për hedhjen e trarëve të paranderur, një hap para përfundimit final të projektit.
Bashkia Klos u është gjendur pranë qytetarëve të prekur nga tërmeti i datës 15 janar 2023 me epiqendër në Njësinë Administrative Xibër.
Administratorët e katër njësive bashkiake së bashku me punonjësit sociale kanë dalë në terren duke shpërndarë pako ushqimore për familjet më të prekura dhe në gjendje të vështirë ekonomike.
Postimi i kryetarit të Bashkisë Klos, Ilmi Hoxha në Facebook:
Në momente të vështira, është detyrë e jona që të solidarizohemi e të bashkëndjejmë me të gjithë ata që kanë nevojë!
Administratorët dhe jo vetem, janë pranë çdo familje në nevojë për të ofruar për ta kujdes maksimal!
Vazhdojmë punën në terren për të rehabilituar akset rrugore në Bashkinë Klos.
Si pasojë e reshjeve të dendura janë shfaqur probleme në rrugën e Fshatit Xibër Murrizë, ku po punohet intensivisht për pastrimin e rrugës dhe kanaleve kulluese.
Gjithashtu, po punohet për rehabilitimin e shtratit të lumit dhe ngritjen e argjinaturës për mbrojtjen e rrugës.
Bashkia Klos në bashkëpunim me Ushtrinë Shqiptare po punojnë për vendosjen e një ure tip Bel duke u ardhur në ndihmë banorëve të kësaj zone.
Drejtoria e Infrastrukturës dhe Shërbimeve, gjendet në terren për të menaxhuar dhe për t’ju përgjigjur në kohë rekord problematikave si rrjedhojë e kushteve të vështira të motit që kanë prekur zonën.
Si pasojë e reshjeve të dendura janë shfaqur probleme në Njësinë Administrative Xibër, në fshatin Xibër Murrizë dhe në Njësinë Administrative Klos në fshatin Bel.
Në terren, punonjësit e rrugëve rurale po pastrojnë edhe kanalet kulluese duke bërë të mundur mos akumulimin e ujit.
Mbrëmjen e kaluar, Bashkia Klos u prek nga një tërmet i fortë i cili fatmirësisht ka shkaktuar vetëm demë materiale.
Sipas vlerësimeve në terren, deri më tani raportohen 22 banesa të dëmtuara në të gjithë Njësitë Administrative të Bashkisë Klos.
Dëmet më të mëdha materiale janë shkaktuar në njësinë Administrative Xibër, aty ku raportohet të jetë edhe epiqendra e tërmetit.
Kryetari i Bashkisë Klos, Ilmi Hoxha ka inspektuar gjatë orëve të vona të mesnatës disa banesa të cilat kanë paraqitur demë pas tërmetit duke garantuar mbështetje maksimale për çdo familje të prekur.
Ndërkohë që vazhdon verifikimi në terren për dëmet e shkaktuara nga lëkundjet e forta, Emergjenca Civile në bashkëpunim me të gjithë organet e pushtetit vendor organizoi punën dhe planin e masave për tju gjendur pranë familjeve të prekura.
Kryetari i Bashkisë Klos, Ilmi Hoxha shprehu mbështetjen maksimale për banorët e zonës duke siguruar një proces të drejtë, transparent dhe në shërbim të familjeve të prekura.
“Situata deri tani vijon të jetë me 22 kërkesa për verifikim në banesa familjarësh, në objekte shtetërore për momentin nuk kemi asnjë kërkesë. Situata në tërësi është e qetë nuk ka problematika të mëdha. Grupet e punës gjatë natës kanë qenë në terren. Kryesisht dëmet janë plasaritje muresh, rënie tavanesh, oxhaqesh. Deri në këtë moment kemi 22 kërkesa për verifikim objektesh”, -deklaroi kryetari Ilmi Hoxha në një prononcim për mediat.
Duke uruar që secili të jetë mirë, Bashkia Klos , ju bën thirrje të gjithë qytetarëve që për çdo problematikë që mund të kenë si pasojë e termetit të kontaktojnë në numrat e mëposhtëm:
Sektorin e emergjencave civile në Bashkinë Klos: 0694255984 & 0685657358.
Më lejoni që t’i drejtohem çdo familjeje, secilit prej jush kudo që ndodhet, në vendin tonë, në Klos, në mbarë Shqipërinë, e jashtë saj, me urimet më të sinqerta për një vit më të mirë, të mbarë e të shëndetshëm, pranë dhe bashkë me njëri tjetrin.
Përzemërsisht, gëzuar Vitin e Ri 2023.
Urimi im në këtë feste shkon për qytetarët që po kurohen në spitale si dhe për herojntë e kësaj dite mjekët, infermierët, punonjësit e rendit dhe zjarrëfikësit të cilët do jenë në krye të detyrës për të siguruar mirëqenien e të gjithëve ne. Faleminderit nga zemra për punën tuaj sublime!
Viti që po lëmë pas ishte padyshim sfidues për ne, por i tejmbushur me arritje dhe përpjekje për punë të mira, të cilat sot i gëzojmë të gjithë së bashku.
Por ne nuk do të ndalemi!
Viti i ri që po vjen do të jetë viti i ndryshimeve të mëdha! Puna do të vijojë edhe më vrullshëm gjatë këtij viti, me investime në çdo lagje, fshat e njësi administrative.
Dhe në mbyllje të këtij urimi, jam i lumtur që falë Pakos së Madhe të Qeverisë ky vit vjen edhe më i gëzueshëm për tryezat e familjeve tona, e çdo familje Shqiptare!
Të rinjtë e Klosit shumë shpejt do të kenë qendrën e tyre multifunksionale… 
BE, i cili shumë shpejt do të jetë i prekshëm për të rinjtë e Bashkisë Klos. 
Një qendër multifunksionale për të rinjtë;
