Lajme nga Klosi

Hapet Thirrja për Rekrutim në Policinë e Burgjeve

Drejtoria e Përgjithshme e Burgjeve ka shpallur 200 vende vakante për pozicionin “Punonjës i Policisë së Burgjeve”, për institucionet e ekzekutimit të vendimeve penale në të gjithë territorin e Republikës së Shqipërisë.

Çfarë ofron ky pozicion?

Trajnim profesional të plotë për kandidatët e përzgjedhur

Uniformë pune të siguruar nga institucioni

Transport të garantuar drejt IEVP-ve

Sigurim jete dhe shëndeti për një periudhë 3-vjeçare

Mundësi për zhvillim dhe ecuri në karrierë, në përputhje me legjislacionin në fuqi.

Afati për dorëzimin e dokumentacionit: deri më 3 Mars 2026.

Për kriteret, dokumentacionin e kërkuar dhe informacion të detajuar, konsultoni njoftimin zyrtar në faqen e institucionit: https://dpbsh.gov.al/njoftim-per-publikim-per-hapjen-e-procedurave-per-rekrutimin-e-stafit-te-sigurise-ne-policine-e-burgjeve-prbaze/?fbclid=IwY2xjawP6wdJleHRuA2FlbQIxMABzcnRjBmFwcF9pZBAyMjIwMzkxNzg4MjAwODkyAAEeD14UlNYIUAaHSggXIjZzDSwTnWwm5-BUFSa-4kK2o4MxyC_nYwXPgvdfR2I_aem_m40QhCPylJENFT71wGNlvA

🚓 113 VJET POLICIA E SHTETIT 🇦🇱

🚓 113 vite në shërbim të rendit, sigurisë dhe ligjit.

Respekt dhe mirënjohje për të gjithë efektivët e Policisë së Shtetit për përkushtimin dhe sakrificën e tyre në shërbim të qytetarëve.

Gëzuar 113-vjetorin Policisë së Shtetit!

Kërkimet do vazhdojnë angazhim maksimal për gjetjen e trupit te Jurgenit. 🥲

Në lidhje me ngjarjen e rëndë ku një nga djemtë u rrëmbye nga rrjedha e furishme e lumit Mat, sot u zhvillua një operacion i gjerë kërkimi për gjetjen e trupit të humbur në zonën e Fullqetit, pranë Urës së Halilit dhe vijoi në gjatësinë e lumit Mat.

Në operacion morën pjesë:

P3K: 20 forca dhe 4 mjete.

Forcat operacionale: 6 forca.

Policia Ushtarake: 4 forca.

Vullnetarë dhe Struktura të Bashkisë Klos rreth 200 persona.

Punonjës të MZSH Burrel rreth 10 forca, 1 varkë shpëtimi dhe 2 mjete.

Faleminderit të gjithëve për përkushtimin dhe bashkëpunimin në përballimin e kësaj situate të vështirë.

Kërkimet do vazhdojnë.

Ju lutem të gjithëve angazhim maksimal për gjetjen e trupit te Jurgenit

RAPORT MBI SITUATËN E KRIJUAR NGA RESHJET E SHIUT 🌧️

NË TERRITORIN E BASHKISË KLOS

(Periudha 06.01.2026 – 11.01.2026)

Në periudhën nga data 06.01.2026 deri më 11.01.2026, si pasojë e reshjeve të vazhdueshme të shiut , në territorin e Bashkisë Klos janë krijuar disa problematika që kanë ndikuar në infrastrukturën rrugore dhe zonat e banuara.

Në Njësinë Administrative Klos janë raportuar rrëshqitje dherash dhe rënie gurësh, të cilat kanë shkaktuar bllokim të rrugëve dhe kanë rrezikuar disa banesa në fshatrat Bërshi, Bel Unjate, Patin, Bejnë, Dars dhe Pleshë.

Gjithashtu, në fshatin Bërshi është konstatuar bllokim i kanalit vaditës të Klosit, si pasojë e shembjes së dheut, duke sjellë edhe bllokimin e rrugës nacionale. Me ndërhyrjen e Bashkisë Klos, në bashkëpunim me Bordin e Kullimit Mat, situata u normalizua dhe qarkullimi vijoi normalisht .

Në Njësinë Administrative Xibër raportohet për problematika në fshatrat Xibër Murrizë dhe Ketë, ku janë evidentuar probleme në akset lidhëse të rrugëve të lagjeve, bllokim i tombinove, si dhe dalje e përroit në rrugë .

Në Njësinë Administrative Suç janë raportuar rrëshqitje dherash në rrugë dhe sipërfaqe toke bujqësore në fshatrat Kurqelaj, Kujtim dhe Kurdari. Po ashtu, rruga kryesore që lidh tre lagje të fshatit Skënderaj paraqet problematika për shkak të lëvizjes së bazamentit .

Në Njësinë Administrative Gurrë janë evidentuar rrëshqitje dherash dhe bllokim pusetash, konkretisht në fshatin Gurrë e Madhe.

Situata është monitoruar në mënyrë të vazhdueshme dhe po ndiqet për ndërhyrje të mëtejshme, me qëllim garantimin e sigurisë së banorëve dhe rikthimin e normalitetit në zonat e prekura.