✅ U zhvillua sot mbledhja e Komisionit të Mbrojtjes Civile të Bashkisë Klos.

U zhvillua sot mbledhja e Komisionit të Mbrojtjes Civile të Bashkisë Klos, me pjesëmarrjen e përfaqësuesve të institucioneve vendore dhe strukturave përkatëse.

Në fokus të takimit ishin masat parandaluese dhe veprimet që do të ndërmerren gjatë periudhës së dimrit, për përballimin e situatave që mund të shkaktohen nga reshjet e shiut, dëborës apo faktorë të tjerë natyrorë.

Gjithashtu u diskutua mbi bashkëpunimin ndërinstitucional dhe koordinimin e veprimeve për garantimin e sigurisë së qytetarëve dhe infrastrukturës publike.

Bashkia Klos mbetet e angazhuar për të qenë në gatishmëri të plotë dhe për të ndërmarrë të gjitha masat e nevojshme për mbrojtjen e komunitetit.